L'uffizi per la segirezza da victualias e per la sanadad d'animals dal Grischun (USVA) è in'autoritad da servetsch ch'è responsabla per la sanadad dals umans e dals animals. Nus surpigliain per la publicitad incumbensas da surveglianza, da controlla e d'execuziun. Nus infurmain la regenza e la publicitad en moda objectiva areguard dumondas correspundentas. Cun ils posts pertutgadas ed involvids tschertgain nus la collavuraziun. Els èn noss partenaris en quai che reguarda il contact cun la populaziun.

Per garantir l'analitica e la diagnostica correspundenta manain nus trais laboratoris cun installaziuns fitg modernas. Ultra da quai surpigliain nus incumbensas da differentas instituziuns publicas en il sectur da l'analitica da l'ambient e da la diagnostica d'epidemias d'animals.
Per exequir nossas incumbensas administrativas sco er per far il servetsch da pedella e da pedel en moda effizienta èn responsabels ils collavuraturs e las collavuraturas dals servetschs centrals.