Sonda, ils 19 da november 2022, han possessuras e possessurs d'armas la pussaivladad da dar giu gratuitamain armas e muniziun. L'acziun da collecta ha lieu per la tschintgavla giada en il Grischun.

La Polizia chantunala dal Grischun prenda encunter armas e muniziun ils 19 da november en tut las basas da la polizia sco er tar il commando da polizia a la Ringstrasse 2 a Cuira. Las uras d'avertura èn da las 08.00 fin las 12.00 e da las 13.30 fin las 17.00. Possessuras e possessurs d'armas ston suttascriver ina decleraziun da renunzia al lieu. Tut las armas e tut la muniziun vegnan silsuenter dismessas en moda professiunala tras il Post spezialisà per armas.

Repetiziun mintga 3 onns
Da princip pon armas e muniziun vegnir dadas giu da tut temp tar la Polizia chantunala dal Grischun. Cun las acziuns da collecta, che vegnan realisadas mintga trais onns, duain burgaisas e burgais vegnir rendids attents a questa pussaivladad sistematicamain. La Lescha d'armas oblighescha ils chantuns d'acceptar gratuitamain armas e muniziun or da possess privat. Avant trais onns han 167 persunas consegnà tut en tut 190 armas e fitg blera muniziun.