En consequenza d'ina decisiun da la dretgira administrativa ston vegnir restituidas las taglias sin las iertas anticipadas ch'èn vegnidas retratgas tenor il dretg vegl. Pertutgadas èn mo iertas anticipadas ch'èn vegnidas pajadas avant l'onn 2001, sche la donatura u il donatur viveva anc il 1-1-2008. La basa legala correspundenta è vegnida messa en vigur da la regenza cun il conclus dal 1. da mars 2011 retroactivamain per il 1-1-2011.

L'administraziun da taglia ha cumenzà cun las lavurs correspundentas e fa quint d'avair liquidà tut las proceduras da revisiun e d'avair pajà tut las restituziuns fin il proxim atun. Las persunas obligadas da pajar taglia pertutgadas na ston betg inoltrar ina dumonda; la revisiun vegn fatga d'uffizi.

Per ulteriuras infurmaziuns vesair missiva tar la revisiun parziala da la lescha da taglia dals 29-6-2010, p. 358:

Missiva tar la revisiun parziala da la lescha da taglia