Las decleraziuns da taglia per la taglia sin las entradas e sin la facultad a partir da la perioda fiscala 2016 ston vegnir inoltradas da nov centralmain a l'administraziun chantunala da taglia. Quai vala medemamain per dumondas da prolungar il termin per inoltrar decleraziuns da taglia a partir da la perioda fiscala 2016. Dumondas correspundentas da prolungar il termin ston vegnir fatgas en scrit. Quai po vegnir fatg cun agid d'ina dumonda online, per e-mail (fristgesuche@stv.gr.ch) u per posta (Administraziun da taglia dal chantun Grischun, Fristgesuche/KO, Steinbruchstrasse 18, 7001 Cuira).
Las decleraziuns da taglia per periodas fiscalas anteriuras ston vegnir inoltradas, sco fin ussa, a la vischnanca cumpetenta. (Excepziun: Per pajataglias da la citad da Cuira vala la regulaziun concernent l'inoltraziun a l'administraziun chantunala da taglia gia a partir da la perioda fiscala 2015.)