La damaun dals 30 da mars 2022 è vegnì chattà mort in lama sin ina pastgira a Vaz Sut. Il maletg da las blessuras da l'animal da 20 onns na lascha nagins dubis, ch'il lama è mort tras in'attatga d'in luf. Cun gronda probabilitad èn dus lufs stads participads a l'incident. Per identifitgar il chaschunader han ins prendì provas da DNA. En il chantun Grischun è quai l'emprima giada, ch'in lama è vegnì stgarpà d'in luf.