Luf
Durant ils ultims 12 mais èn vegnids identifitgads geneticamain 47 differents lufs en il chantun. Ultra dals sis trieps enconuschents (tranter quels èn actualmain er ils lufs en il territori dal Piz Bargias) ed ultra dals trieps en il territori da cunfin cun il Tessin èn mintgamai dus lufs, per part da schlattaina nunenconuschenta, cuminaivlamain sin via en tschintg regiuns. Ultra da quai èn vegnids cumprovads en l'emprim quartal singuls lufs er en la Bregaglia ed en il Puschlav. Durant l'emprim quartal n'èn vegnids registrads nagins novs trieps.
Perditas
19 da schaner 2022 sajettà il luf mastgel cun cumportament problematic mastgel M196
1. da mars 2022 victima da traffic sin l'autostrada A13 a Maiavilla mastgel M225
Animals da niz stgarpads e singularitads dal cumportament
| |
nursas e chauras |
lamas ed alpacas |
arments |
equids |
total |
| morts |
6 |
1 |
|
|
7 |
| blessads |
1 |
|
|
|
1 |
| muntaneras cun singularitads dal cumportament |
|
|
2 |
|
2 |
Luf-tscherver
Ils 27 da mars 2021 è vegnì cumprovà per l'emprima giada puspè in luf-tscherver en la Bregaglia. Il luf-tscherver dastgass avair chattà la via en la Bregaglia sur la Val Avras e n'è betg pli vegnì cumprovà dapi lura. L'animal n'ha betg anc pudì vegnir identifitgà fin ussa.
Perditas
Ils 6 da mars 2022 è in luf-tscherver mastgel subadult vegnì sut in auto sin la A13 a Giuvaulta. L'animal n'era betg anc vegnì identifitgà fin lura.
Urs
Durant l'emprim quartal 2022 n'èn vegnidas annunziadas naginas cumprovas.
Schacal mellen
Durant l'emprim quartal n'hai dà naginas cumprovas. Il suspect ch'in schacal mellen haja stgarpà in animal a Tenna il november 2021 n'ha betg pudì vegnir confermà geneticamain. L'analisa dal DNA lascha supponer ch'i saja stà ina vulp. Ils stgarps dal schacal mellen e da la vulp na pon betg vegnir differenziads cun segirezza a maun da la moda e maniera da stgarpar l'animal.
Eveniments spezials
- La fin da mars è vegnì sajettà in probabel luf ibrid en la Val dal Rain da Cuira. Ils 8 d'avrigl 2022 ha il UCP rapportà davart quest eveniment en ina communicaziun a las medias.
- Il luf giuven dal triep dal Beverin, che ha survegnì in emettur ils 27 da mars 2021 en il territori da Valragn, han ins pudì cumprovar geneticamain en la Germania dal Sid. Paucas emnas suenter che l'animal ha survegnì l'emettur è el emigrà. Ins l'ha pudì suandar cun agid dal GPS fin en il Zillertal. Dapi il cumenzament da zercladur n'emetta il cularin naginas datas pli. L'ulteriura persecuziun han ins pudì far, grazia a l'armonisaziun da las datas geneticas da la Svizra, da l'Austria e da la Germania.