Ils 21 da fanadur 2024 ha pudì vegnir confermada la nova furmaziun d'in triep da lufs sin il territori communal da Claustra. Ina persuna privata ha observà trais lufs pitschens. L'observaziun conferma la furmaziun d'in nov triep che vegn designà sco triep dal Älpelti. Igl è la quarta reproducziun cumprovada fin ussa questa stad ed actualmain il 12avel triep da lufs confermà en il chantun Grischun.

Las cumprovas da reproducziun vegnan publitgadas mintga mais en il "Monitoring dal management dal luf" sin la pagina d'internet www.luf.gr.ch.