Il Departament d'infrastructura, energia e mobilitad ha disponì ils 5 d'avust 2024 da sajettar in luf che chaschuna donns.

Quai suenter ch'in Pony creschì è vegnì attatgà ils 30 da fanadur 2024 sin in'alp sin il territori da la vischnanca da Brusio, è vegnì blessà grevamain.

Ils chantuns pon dar la permissiun da sajettar singuls lufs che na fan betg part d' in triep, che fan donns considerabels vi d' animals da niz. In donn considerabel datti tar animals da la spezia dals bovs u dals chavals, sch' in singul luf ha mazzà almain in animal u scha tal è vegnì blessà grevamain.

Perquai ch'ins sto quintar cun ulteriuras attatgas e per evitar ulteriurs donns, ha il chantun disponì da sajettar in luf. La permissiun da schluppettar è limitada a 60 dis e sin il territori dal luf singul. Per exequir la disposiziun da schluppettar è sun ils organs da surveglianza chantunala da chatscha da l'uffizi da chatscha e pestga respunsabels.



Departementsverfügung