Dapi il 2017 ha in singul castur vivì tut sulet lunsch davent da ses members da la medema spezia en il revier da casturs il pli aut en l'Europa a Samedan. Quella giada era l'animal a la tschertga d'in agen revier ed era viandà var 50 km davent da l'Engiadina Bassa en l'Engiadin'Ota. 8 onns ha el vivì tut solitari, fin ch'igl è ussa avant curt vegnì natiers cumpagnia da l'autra schlattaina. Ins po spetgar, ch'il dumber da casturs vegn a s'augmentar vinavant ils proxims onns en l'Engiadin'Ota. D'ina vart èsi pussaivel ch'il pèr da casturs sa reproducescha e da l'autra vart pudessan er ulteriurs casturs arrivar davent da l'En pli bass en l'Engiadin'Ota.