Ils 17 da november 2020 vegn avert per il traffic betg motorisà il nov tschancun da la via da velos da Vaz Sut che fa part da la rait da vias per velos per lung dal Rain.

Ils onns 2018 fin 2022 vegn remplazzada la traversada da l’autostrada a l’entrada ed extrada da la via naziunala N13 a Vaz Sut – Zezras. En il rom da questas lavurs da construcziun datti er ina midada dal traject per il traffic da velos sin il tschancun da la punt sur il Rain. Il piogn sur il Rain, realisà da l’Uffizi da construcziun bassa dal Grischun per incumbensa da la vischnanca da Vaz Sut, meglierescha massivamain la purschida per il traffic betg motorisà. Cumpareglià cun la circulaziun dal traffic da fin qua cun in trottuar stretg senza vial per velos augmenta il nov trassé separà da la via fermamain la segirezza.

Ulteriuras infurmaziuns en l'actual Info UCB.