La passarella per velos e peduns sur il Rain posteriur, ch'è vegnida averta il cumenzament da december 2023 e ch'è montada sut la punt da l'autostrada, è signalisada a partir d'immediat er sco via da velos. La passarella sur il Rain posteriur collia las rutas da velo naziunalas nr. 2 (ruta dal Rain) e nr. 6 (ruta dal Grischun) e porscha uschia novas pussaivladads per il traffic da velo da temp liber sco er per il traffic da velo quotidian. En il senn dal project «L'avegnir da la Svizra sin il velo» da SvizraMobila resultan da questa colliaziun turas da velo novas ed attractivas tant davent da Cuira sco er davent da Tusaun. Plinavant pon ins divider e cumbinar da nov las turas da velo localas. En collavuraziun cun las vischnancas è la colliaziun vegnida realisada conscientamain cun ina signalisaziun per velos – davent da la riva ost cun la destinaziun «Panaduz» e davent da la riva vest cun la destinaziun «Domat – Giuvaulta».

Passarella sur il Rain posteriur tranter Domat e Panaduz