Il 1. d'october 2024 è la nova Lescha davart ils products da tubac (LPTub) entrada en vigur en Svizra. Ella ha chaschunà vastas midadas en la regulaziun da products da tubac, dad e-cigarettas e da products sumegliants. Questa midadas cumpiglian tranter auter adattaziuns da la vegliadetgna da consegna, in scumond da far reclama sco er la nova regulaziun da las cumpras da test.

Il chantun Grischun metta a disposiziun gratuitamain material per la protecziun da la giuventetgna a las vischnancas, als posts da vendita sco er a las organisaturas ed als organisaturs, quai sco sustegn per realisar las disposiziun davart la protecziun da la giuventetgna. Tut il material è vegnì adattà a la nova legislaziun e po vegnir retratg qua: www.gr.ch/jugendschutz