La partiziun promoziun da la sanadad e prevenziun s’engascha per Vossa sanadad. Nus infurmain, sensibilisain e motivain la populaziun grischuna da tgirar in stil da viver che promova la sanadad en atgna responsabladad. Al medem mument procurain nus per cundiziuns da lavurar e da viver che promovan la sanadad ensemen cun las vischnancas, las scolas ed ulteriurs acturs. En il center stattan la sanadad e las determinantas da la sanadad (salutogenesa). Plinavant realisain nus mesiras per impedir malsognas, per las enconuscher ad uras u per las retardar (prevenziun).

Ils programs chantunals

• Program per la promoziun da la sanadad en la vegliadetgna d’uffants e da giuvenils

• Program per promoziun da la sanadad en la vegliadetgna

• Program grischun da la dependenza

Basa legala

En il sectur da la promoziun da la sanadad e da la prevenziun è il chantun responsabel per

• incumbensas intercommunalas;
• il sustegn spezialisà da las vischnancas;
• la coordinaziun da las activitads da las vischnancas;
• la cussegliaziun gratuita da mammas e babs tar la tgira e l’assistenza da poppins ed uffants pitschens.

Profil directiv per la promoziun da la sanadad e da la prevenziun en il chantun Grischun

Il profil directiv mussa co che acturs da tut ils secturs politics pon esser activs per la promoziun da la sanadad e per la prevenziun. El motivescha la populaziun per in cumportament conscient per la sanadad.
Download
Empustaziun

Shop

Qui vai al shop