Tras la decisiun dal cussegl federal e dal parlament da sortir da l'energia nucleara survegn l'explotaziun dal potenzial da las energias regenerablas ina impurtanta paisa politica e sociala. Igl è da partir dal fatg che l'energia da vent vegnia a tschiffar dapli pe en Svizra ed er en il Grischun. Las consequenzas per la natira e per il maletg da la cuntrada sco er l'interess creschent per l'utilisaziun da l'energia da vent en il Grischun pretendan princips impegnativs per la planisaziun. Per quest motiv è vegnì cumplettà il plan directiv chantunal cun il sectur energia da vent ed actualisà il mussavia existent. En moda impegnativa èn vegnids fixads tranter auter las pretensiuns generalas envers la planisaziun d'implants eroelectrics sco er ils pass decisivs da la procedura. En il mussavia qua avant maun vegnan quels concretisads. Ultra da quai vegn mussà in purtret general davart l'energia da vent.

Plinavant è il mussavia vegnì adattà il matg 2018 a la legislaziun d'energia revedida (decret dal schaner 2018) sco era al concept "ernergia da vent", che è vegnì declerà l'onn 2017 sco liant per las autoritads.

Planungsleitfaden für Behörden und Projektentwickler