5. Parlament grischun da mattas*, spustà sin ils 8 da mars 2025

Mattas* fan politica
A chaschun dal 5. Parlament da mattas* spustà sin ils 8 da mars 2025 pon las scolaras dal stgalim superiur dal Grischun prender ina invista concreta da la lavur parlamentara. Ellas sesan sezzas en la sala dal Cussegl grond, s'occupan da dumondas politicas, elavuran propostas, fan debattas e delibereschan propostas. Las petiziuns elavuradas vegnan surdadas a la fin dal di al president da la Regenza Jon Domenic Parolini.
Las mattas vegnan sustegnidas da commembras e commembers dal Cussegl grond. L'occurrenza vegn presidiada da la presidenta dal Cussegl grond Silvia Hofmann. La debatta en il plenum dal suentermezdi a partir da las 13.45 po vegnir persequitada da da la tribuna d'aspectaturs. 

Ulteriuras infurmaziuns.

12 da mars 2024, Scuol: Promo Femina on Tour - Dunnas e politica: schanzas e sfidas per la Regiun Engiadina Bassa / Val Müstair

Dunnas e politica: schanzas e sfidas per la regiun Engiadina Bassa / Val Müstair

A l'occurrenza «Dunnas e politica: schanzas e sfidas per la regiun Engiadina Bassa Val Müstair» dals 12 da mars 2024 a Scuol vegnan discutadas ed approfundadas las enconuschientschas e las propostas da «PROMO femina - dunnas en la politica communala». Organisada vegn l'occurrenza dal Post da stab per l' egualitad da las schanzas per dunnas ed umens dal Grischun e dal Center per gestiun administrativa da la Scola auta spezialisada dal Grischun en cooperaziun cun las vischnancas da Scuol e Val Müstair. L'occurrenza porscha a persunas interessadas a la politica da la val sco er a giasts d'ordaifer la pussaivladad da barattar lur perspectivas ed experientschas per promover las dunnas en la politica communala, d'examinar las mesiras che vegnan proponidas en la promoziun da las dunnas e da far ulteriuras ponderaziuns resp. d'adattar quellas tenor lur basegns.

Ins supplitgescha da s'annunziar sut il suandant link.

 Ulteriuras infurmaziuns chattais Vus qua.

 Cura: mardi, ils 12 da mars 2024, 17.00 – 20.00

 Nua: sala communala Scuol