Dumonda en scrit concernent la furmaziun d'in post spezialisà per ils fatgs dals uffants confidads
Sessiun: 27.11.2001
Per che l'uffant haja la pussaivladad da sviluppar armonicamain sia persunalitad en sia famiglia e crescher si - circundà da ventira, carezia e chapientscha - sto mintga chantun prender mesiras prioritaras commensuradas. I duess esser pussaivel da laschar l'uffant en la famiglia da derivanza, u nua che quai n'è betg pussaivel e nua ch'i serva a l'uffant, da plazzar quel en ina famiglia da tgira.
Plazzar uffants en la tgira da maternitad u en la tgira permanenta sco er en ina instituziun socialpedagogica (chasa d'uffants) sa differenziescha oz pli pauc tras las cundiziuns da basa professiunalas e finanzialas. Il schlargiament intensiv da mesiras ambulantas sco resposta sin las cundiziuns socialas da vita che vegnan mendras, han manà tar la midada da l'indicaziun da prender uffants or da las famiglias da derivanza. Il uffants èn per il solit pli vegls ed han savens ina "carriera da mesiras" davos els. Il plazzament en ina famiglia da tgira resulta en insaquants cas main ord ponderaziuns pedagogicas che ord ponder-aziuns finanzialas e cuntrari succeda in plazzament en ina chasa d'uffants mintgatant per muncanza da famiglias da tgira adattadas. Entant che persunas dal fatg s'occupan da l'educaziun en in institut, èn la preparaziun, l'accumpagnament e la qualificaziun da las famiglias da tgira dumondas da la sauna raschun. Tut ils geniturs da tgira dovran per l'assistenza qualifit-gada d'in uffant tut tenor il basegn da l'uffant ina integraziun pli u main intensiva en il sistem da la preparaziun, cussegliaziun e da la distgargia.
Ils 11 d'october 2001 è spirà senza vegnir druvà il termin da referendum da la lescha federala davart la convenziun da Den Haag davart la protecziun d'uffants e davart la cooperaziun concernent adopziuns internaziunalas. La lescha na regla betg sezza ils detagls da la procedura, mabain è sulettamain scharnier ed intersecziun tranter la convenziun ed il dretg federal, cunzunt l'ordinaziun davart ils uffants confidads. Las autoritads centralas tant sin plaun federal sco er sin plaun chantunal èn stgaffidas.
Tar ils chantuns vegn la funcziun da l'autoritad centrala coordinada cun la surveglianza dals uffants confidads. A medem temp vegnan obligads ils chantuns d'incumbensar ina suletta autoritad chantunala cun la surveglianza dals uffants confidads (art. 316 al. 1bis CCS).
La regenza vegn supplitgada da respunder las suandantas dumondas:
1. Èn vegnidas instradadas las preparativas per la furmaziun d'in sulet post spezialisà?
2. Cun tge reorganisaziun dals fatgs d'uffants confidads èsi da quintar?
Cuira, ils 27 da november 2001
Name: Schütz
Session: 27.11.2001
Vorstoss: rg Schriftliche Anfrage
Resposta da la regenza
La convenziun da Den Haag davart la protecziun d'uffants e davart la cooperaziun concernent adopziuns internaziunalas prevesa la creaziun d'autoritads centralas en scadin stadi contrahent. Entras la collavuraziun tranter las autoritads centralas dals stadis contrahents vegn meglierada en l'interess da l'uffant la qualitad da las decisiuns en ils fatgs d'adopziun internaziunals.
La confederaziun ed ils chantuns han d'inditgar las autoritads centralas che han d'ademplir las incumbensas transferidas ad ellas entras la convenziun davart las proceduras internaziunalas d'adopziun. Tar tut quai èn las autoritads chantunalas en ina posiziunclav cunquai ch'ellas èn responsablas per il tractament material dals singuls dossiers. Las autoritads centralas en ils chantuns èn da dottar cun persunal uschia ch'ellas disponan da las conuschientschas ed experientschas da pedagogia sociala necessarias per ils scleriments necessaris tenor la convenziun da Den Haag davart la cooperaziun concernent adopziuns internaziunalas.
La confederaziun prevesa da metter en vigur la convenziun da Den Haag davart la cooperaziun concernent adopziuns internaziunalas e la lescha respectiva en il decurs da la secunda mesadad da l'onn 2002. La ratificaziun succeda trais mais avant l'entrada en vigur. Per pudair ratifitgar la convenziun a dretg temp ston ins communitgar l'autoritad centrala responsabla a la confederaziun fin la fin d'avrigl 2002.
La regenza respunda suandantamain las dumondas tschentadas:
1. Il chantun Grischun è preparà cun la furma d'organisaziun existenta per l'entrada en vigur da la convenziun da Den Haag davart la cooperaziun concernent adopziuns internaziunalas.
L'uffizi dal servetsch social resp. ils servetschs socials regiunals e communals
adempleschan oz tut ils pensums en connex cun las adopziuns internaziunalas. Correspundentamain èsi previs da numnar l'uffizi dal servetsch social chantunal sco autoritad centrala dal chantun per las incumbensas che resultan da la convenziun da Den Haag resp. da la lescha federala davart la convenziun da Den Haag.
Dasper l'incumbensa en la procedura d'adopziun ha l'autoritad centrala dal chantun er d'ademplir da nov tenor l'art. 316bis CCS la surveglianza davart
quellas relaziuns d'uffants confidads che vegnan permessas en vista d'ina
adopziun posteriura da l'uffant.
Las incumbensas tenor la convenziun da Den Haag e la lescha federala davart
la convenziun da Den Haag ch'èn vegnidas surdadas al chantun pretendan in'adattaziun da l'ordinaziun davart la surveglianza dals uffants confidads relaschada da la regenza.
2. Pervi da la convenziun da Den Haag e da la lescha federala davart la convenziun da Den Haag na resulta betg ina reorganisaziun dals fatgs dals uffants confidads en il chantun. La regenza rinviescha en quest connex a las explicaziuns en cifra 1.