Dumonda Stiffler concernent il credit per forzas auxiliaras ed il credit per prestaziuns da servetsch da terzas persunas en l'administraziun chantunala

Sessiun: 25.08.2004

La fin da december 2003 devi, sco ch'i resulta da la resposta da la regenza a l'incumbensa Feltscher, 2'394 plazzas da lavur dal plan da plazzas en l'administraziun chantunala. Da la fin da l'onn 2000 fin la fin da l'onn 2003 saja il dumber da plazzas da lavur s'augmentà mo per 1,72%.
En il rom da la cussegliaziun dal budget e da la cussegliaziun dal quint annual en il cussegl grond datti adina puspè en egl ch'ils custs da salari da l'administraziun na s'augmentan bain betg fitg, ma che la posiziun "salarisaziun da las forzas auxiliaras" e spezialmain er las indemnisaziuns per prestaziuns da servetsch da terzas persunas han cuntanschì ina dimensiun considerabla.

En quest connex vegn la regenza supplitgada da respunder las suandantas dumondas:

1. Co èn sa sviluppads ils ultims tschintg onns en mintga departament da l'administraziun
a) il credit per forzas auxiliaras
b) l'indemnisaziun per prestaziuns da servetsch da terzas persunas?

2. Co valitescha la regenza quest svilup en relaziun cun il svilup dals custs da salari entaifer l'administraziun?

3. Èn previsas ulteriuras mesiras da spargn en il sectur dal credit per forzas auxiliaras e da l'indemnisaziun per prestaziuns da servetsch da terzas persunas?

Cuira, ils 25 d'avust 2004

Name: Stiffler, Marti, Bischoff, Bleiker, Cahannes, Conrad, Dudli, Giovannini, Göpfert, Gredig-Hug, Hardegger, Hartmann (Champfér), Hess, Jeker, Jenny, Lemm, Maissen, Mani-Heldstab, Mengotti, Montalta, Parpan, Pedrini, Pfister, Plozza, Ratti, Righetti, Rizzi, Stoffel, Telli, Tscholl, Vetsch, Hartmann (Cuira)

Session: 25.08.2004
Vorstoss: rg Anfrage

Resposta da la regenza

Ils custs da persunal vegnan controllads en emprima lingia cun agid da l'administraziun dal plan da plazzas per il persunal da l'administraziun en plazza fixa. Questa controlla fa mo senn, sch'ils credits per forzas auxiliaras (CA) e sche las indemnisaziuns per prestaziuns da servetsch da terzas persunas vegnan medemamain tegnids sut controlla. Il stop da crear plazzas e las prescripziuns davart la reducziun da plazzas na dastgan betg vegnir guntgids cun augmentar ils credits per forzas auxiliaras e per prestaziuns da servetsch da terzas persunas. Il svilup da quests credits vegn perquai adina registrà detagliadamain e controllà cun directivas. Uschia vegnan ils departaments ed ils posts da servetsch intimads mintg'onn en il rom da las directivas da budget da na betg laschar augmentar realmain quests credits.

1 a) Per pudair valitar il svilup da plirs onns dal CA, èsi necessari da far ina rectificaziun dals custs. Las forzas auxiliaras che vegnan finanziadas dal tuttafatg da terzas persunas - sco per exempel tar l'intermediaziun regiunala da lavur ed en il sectur d'asil - ston vegnir eliminadas. Plinavant ston vegnir limitadas las resumaziuns admissiblas da credits en il decurs da l'onn da quint. Ils posts da servetsch pon duvrar per forzas auxiliaras ils credits da persunal ch'els n'han betg consumà e che derivan da plazzas budgetadas betg occupadas. En il quint chaschuna quai mintgamai in import pli grond per forzas auxiliaras, al qual stat visavi in respargn correspundent en il credit per plazzas. Il CA rectifitgà en questa moda è sa sviluppà ils onns 2000 fin 2004 - cun excepziun dals servetschs psichiatrics dal Grischun (SPGR) daventads independents l'onn 2002 - en la suandanta moda (imports en 1'000. francs):

 <table width="100%" border="0" cellspacing="0" cellpadding="0">
<tr>
<td>&nbsp;</td>
<td align="right">QU
2000</td>
<td align="right">QU
2001</td>
<td align="right">QU
2002</td>
<td align="right">QU
2003</td>
<td align="right">PR
2004</td>
</tr>
<tr>
<td>CA rectifitg&agrave;</td>
<td align="right">14'126</td>
<td align="right">15'864</td>
<td align="right">15'817</td>
<td align="right">16'907</td>
<td align="right">15'035</td>
</tr>
</table> 

Il CA è s'augmentà dapi l'onn 2000 per totalmain 6,4 %. Il medem temp èn ils custs da persunal totals s'augmentads per 4,7 %. En quests onns è vegnida concedida ina cumpensaziun da chareschia da totalmain 3,45 %. L'augment pli grond dal CA visavi ils custs da persunal totals dependa da differents novs projects, sco per exempel la taxaziun annuala da taglia, la nova constituziun chantunala e la surpigliada dal servetsch social da la citad da Cuira. Per quest intent èn vegnidas creadas per part plazzas auxiliaras. Resguardond las variaziuns annualas èn ils custs per forzas auxiliaras e quels per il persunal totals sa sviluppads cun la medema tendenza. L'administraziun rigida da las plazzas budgetadas n'ha pia betg chaschunà in augment sur la media dal CA.
Pervia da l'engrondiment da la scol'auta professiunala da pedagogia (SAP) vegn il CA a s'augmentar relativamain ferm l'onn 2005, q.v.d. per totalmain 1,6 milliuns francs. El resta dentant anc adina en la dimensiun da var 5 % dals entirs custs da persunal.

La repartiziun dal CA rectifitgà sin ils singuls departaments resorta da la suandanta tabella. La procentuala mussa la relaziun dal CA cun ils entirs custs da persunal.

 <table width="100%" border="0" cellspacing="0" cellpadding="0">
<tr>
<td>&nbsp;</td>
<td colspan="2" align="center">QU
2000</td>
<td colspan="2" align="center">QU
2001</td>
<td colspan="2" align="center">QU
2002</td>
<td colspan="2" align="center">QU
2003</td>
<td colspan="2" align="center">PR
2004</td>
</tr>
<tr>
<td>&nbsp;</td>
<td align="right">fr.</td>
<td align="right">%</td>
<td align="right">fr.</td>
<td align="right">%</td>
<td align="right">fr.</td>
<td align="right">%</td>
<td align="right">fr.</td>
<td align="right">%</td>
<td align="right">fr.</td>
<td align="right">%</td>
</tr>
<tr>
<td>adm. gen</td>
<td align="right">37</td>
<td align="right">0,6</td>
<td align="right">25</td>
<td align="right">0.4</td>
<td align="right">42</td>
<td align="right">0.7</td>
<td align="right">41</td>
<td align="right">0.6</td>
<td align="right">34</td>
<td align="right">0.5</td>
</tr>
<tr>
<td>DIEP</td>
<td align="right">562</td>
<td align="right">2.1</td>
<td align="right">425</td>
<td align="right">1.6</td>
<td align="right">665</td>
<td align="right">2.4</td>
<td align="right">605</td>
<td align="right">2.2</td>
<td align="right">586</td>
<td align="right">2.1</td>
</tr>
<tr>
<td>DGPS</td>
<td align="right">1’429</td>
<td align="right">1.5</td>
<td align="right">1’516</td>
<td align="right">1.6</td>
<td align="right">1’836</td>
<td align="right">1.8</td>
<td align="right">1’797</td>
<td align="right">1.8</td>
<td align="right">2’158</td>
<td align="right">2.1</td>
</tr>
<tr>
<td>DECA</td>
<td align="right">8’562</td>
<td align="right">14.4</td>
<td align="right">9’907
</td>
<td align="right">15.4</td>
<td align="right">8’978</td>
<td align="right">14.2</td>
<td align="right">10’307</td>
<td align="right">16.6</td>
<td align="right">7’927</td>
<td align="right">13.5</td>
</tr>
<tr>
<td>DFM</td>
<td align="right">350</td>
<td align="right">1.1</td>
<td align="right">558</td>
<td align="right">1.7</td>
<td align="right">697</td>
<td align="right">2.0</td>
<td align="right">779</td>
<td align="right">2.2</td>
<td align="right">614</td>
<td align="right">1.8</td>
</tr>
<tr>
<td>DCTS</td>
<td align="right">2’819</td>
<td align="right">4.0</td>
<td align="right">2’934</td>
<td align="right">4.1</td>
<td align="right">2’978</td>
<td align="right">4.1</td>
<td align="right">2’951</td>
<td align="right">4.1</td>
<td align="right">3’057</td>
<td align="right">4.2</td>
</tr>
<tr>
<td>dretgiras chant.</td>
<td align="right">9</td>
<td align="right">0.2</td>
<td align="right">0</td>
<td align="right">0.0</td>
<td align="right">0</td>
<td align="right">0.0</td>
<td align="right">0</td>
<td align="right">0.0</td>
<td align="right">9</td>
<td align="right">0.2</td>
</tr>
<tr>
<td>CA centra</td>
<td align="right">358</td>
<td align="right">&nbsp;</td>
<td align="right">499</td>
<td align="right">&nbsp;</td>
<td align="right">621</td>
<td align="right">&nbsp;</td>
<td align="right">427</td>
<td align="right">&nbsp;</td>
<td align="right">650</td>
<td align="right">&nbsp;</td>
</tr>
<tr>
<td>total</td>
<td align="right">14’126</td>
<td align="right">4,8</td>
<td align="right">15’864</td>
<td align="right">5.2</td>
<td align="right">15’817</td>
<td align="right">5.1</td>
<td align="right">16’907</td>
<td align="right">5.5</td>
<td align="right">15’035</td>
<td align="right">4.9</td>
</tr>
</table> 

Ina quota extraordinariamain auta dal CA cumpiglia il DECA (en media var 15 % dals entirs custs da persunal). Quest fatg vegn attribuì a la part relativamain gronda da docentas e docents incumbensads a las scolas chantunalas.

1 b) Las prestaziuns da servetsch relevantas da terzas persunas che stattan en connex cun ils custs da persunal vegnan registradas en la gruppa da contos 318 (prestaziuns da servetsch ed onuraris). Il svilup da questa gruppa da contos vegn influenzà e sfigurà relativamain ferm da las prestaziuns da servetsch da terzas persunas che vegnan furnidas da la polizia chantunala. Quellas èn s'augmentadas l'onn 2001 en connex cun il WEF a Tavau per 5,0 milliuns francs sin 6,3 milliuns francs. L'onn 2002 ha il WEF gì lieu a New York. A partir da l'onn 2003 vegnan registrads ils custs supplementars chaschunads dal WEF en la gruppa da contos 319.

Las prestaziuns da servetsch da terzas persunas (318) èn - cun excepziun da la polizia chantunala e dals SPGR - sa sviluppadas sco suonda (imports en 1'000.- francs):

 <table width="100%" border="0" cellspacing="0" cellpadding="0">
<tr>
<td>&nbsp;</td>
<td align="right">QU
2000</td>
<td align="right">QU
2001</td>
<td align="right">QU
2002</td>
<td align="right">QU
2003</td>
<td align="right">PR
2004</td>
</tr>
<tr>
<td>prest. da serv. da terzas
pers. 
senza pocha</td>
<td align="right">33'840</td>
<td align="right">33'560</td>
<td align="right">35'951</td>
<td align="right">35'962</td>
<td align="right">37'676</td>
</tr>
</table> 

Or d'experientscha vegnan ils credits da budget consumads en media fin a var 95 pertschient. Per l'onn 2004 existan mo las cifras dal preventiv (37,68 milliuns francs). I po vegnir fatg quint cun in resultat dal quint da var 36 milliuns francs. Quest resultat è en il rom dals dus onns precedents 2002 e 2003. Sa basond sin questa ipotesa s'augmentan las expensas registradas da la gruppa da contos 318 visavi l'onn 2000 per totalmain 6,4 %. Quest augment succeda pervi d'in augment dal nivel l'onn 2002 da bunamain 2 milliuns francs. Custs supplementars considerabels e da pli lunga vista èn resultads spezialmain per l'incumbensà per la protecziun da datas, per examinaziuns preliminaras da la procura publica, per la procuraziun da chapital, per prestaziuns medicinalas a pazients d'ordaifer tras l'ospital Fontana sco er per custs da projectaziun per immobiglias dal chantun. La dimensiun, en la quala ils singuls departaments èn tangads, resorta da questa glista. I sa tracta qua per part da projects spezials cun caracter interdepartamental. In ferm augment da bunamain 4 milliuns francs vegnan ad avair las prestaziuns da servetsch da terzas persunas l'onn 2005. 2,3 milliuns francs pertutgan mo las taxas per l'amortisaziun d'in emprest en obligaziuns e vegnan medemamain registrads en questa gruppa da contos.
 
2. Il svilup dals custs tar las forzas auxiliaras e tar las prestaziuns da servetsch da terzas persunas vegn surveglià.
 
3. Visavi la realisaziun currenta da las mesiras postuladas da l'examinaziun da las structuras e da las prestaziuns per sanar las finanzas dal chantun n'èn previsas naginas ulteriuras mesiras da spargn.

Datum: 3 da november 2004

Navigation

Suche

Inhaltsbereich

Dumonda Stiffler concernent il credit per forzas auxiliaras ed il credit per prestaziuns da servetsch da terzas persunas en l'administraziun chantunala