Il pli grond potenzial da spargnar energia han edifizis pli vegls. Il consum d'energia po vegnir reducì qua considerablamain, e l'industria principala e secundara da construcziun profitass durant var 12 onns massivamain: en l'entira Svizra cun var 3.5 milliardas francs per onn ed en il chantun Grischun cun var 100 milliuns francs per onn. Tenor la dumbraziun dal pievel da l'onn 1990 n'eran 1 milliun abitaziuns en Svizra betg pli vegnidas renovadas dapi passa 20 onns; tenor la dumbraziun dal pievel da l'onn 2000 èn quai 1.5 milliuns abitaziuns. Il potenzial è grond e crescha dal rest permanentamain. La discussiun davart l'incumbensa d'energia da la PLD dal Grischun l'onn 2007 e l'intervenziun da la cumissiun per ambient, traffic ed energia (CATE) l'onn 2008 han mussà ch'il chantun po stgaffir – cun contribuziuns finanzialas – impuls per sanaziuns energeticas. Ils meds finanzials èn dentant limitads e na pon perquai betg anc svegliar in boom da sanaziuns. Ina cumbinaziun d'impuls chantunals da contribuziun e d'impuls fiscals da la confederaziun e dals chantuns pudessan augmentar l'effect en quest connex.
En l'atgna legislaziun sco er sur la legislaziun d'armonisaziun da taglia duess il cussegl federal elavurar propostas per mauns da l'assamblea federala. Questas propostas duessan dar impuls fiscals a la sanaziun energetica da chasas. Tras l'adattaziun da l'artitgel 8 da l'ordinaziun davart la deducziun dals custs d'immobiglias da la facultad privata tar la taglia federala directa (CS 642.116) pudessan p.ex. – sumegliantamain a las immobiglias da la facultad da fatschenta – vegnir deducidas las mesiras da sanaziuns energeticas a 100% empè a 50% er durant ils emprims 5 onns suenter l'acquist. En il rom da la taglia sin la facultad pudess la valur fiscala vegnir reducida durant in tschert temp.
L'effizienza da l'energia en il rom da sanaziuns da chasas po p.ex. vegnir promovida cun adattar la lescha federala davart la taglia federala directa (CS 642.11) e la lescha federala d'armonisaziun da taglia (CS 642.14).
Ina iniziativa dal chantun cun in cuntegn sumegliant è vegnida acceptada dal cussegl grond d'Argovia cun mo ina cuntravusch.
Tras ina iniziativa dal chantun incumbensescha il cussegl grond l'assamblea federala da stgaffir la basa legala per promover la sanaziun energetica d'edifizis pli vegls tras impuls fiscals.
Cuira, ils 29 d'avust 2008
Feltscher, Parpan, Thöny, Arquint, Barandun, Baselgia-Brunner, Bezzola (Samedan), Bezzola (Zernez), Bischoff, Blumenthal, Bucher-Brini, Buchli, Bühler-Flury, Bundi, Caduff, Candinas, Casparis-Nigg, Castelberg-Fleischhauer, Casty, Casutt, Caviezel (Pitasch), Christoffel-Casty, Clavadetscher, Conrad, Darms-Landolt, Donatsch, Fallet, Frigg-Walt, Geisseler, Giovanoli, Hardegger, Hartmann (Cuira), Hartmann (Champfèr), Jaag, Jäger, Jenny, Kessler, Kleis-Kümin, Koch, Kollegger, Krättli-Lori, Loepfe, Mani-Heldstab, Marti, Menge, Meyer Persili (Cuira), Meyer-Grass (Claustra Vitg), Michel, Montalta, Nick, Noi-Togni, Parolini, Pedrini, Peer, Perl, Peyer, Pfäffli, Pfiffner-Bearth, Pfister, Ragettli, Sax, Stiffler, Stoffel, Thomann, Thurner-Steier, Trepp, Troncana-Sauer, Vetsch (Pragg-Jenaz), Wettstein, Zanetti (Li Curt), Engler, Fischer, Flütsch, Furrer-Cabalzar, Hartmann (Küblis), Locher Benguerel, Mainetti
Session: 29.08.2008
Vorstoss: rg Antrag auf Direktbeschluss