En il rom da la refurma dal parlament ha il cussegl grond concludì avant intgins onns da sa professiunalisar e da nominar per quest intent – per regla – cumissiuns permanentas per laschar preparar las fatschentas. Las cumissiuns permanentas pon s'acquistar enconuschientschas spezialas en lur champ ed uschia reducir almain per part il manco d'infurmaziuns envers la regenza ed envers l'administraziun. Qua tras pon ellas er contribuir ina part impurtanta, per ch'ils projects vegnian examinads criticamain, per ch'els vegnian eventualmain meglierads e per ch'els vegnian manads al success politic.

Ils ultims onns èn – per motivs betg chapibels – puspè vegnidas nominadas pli e pli savens cumissiuns ad hoc, e quai er en cas da projects che avessan pudì vegnir attribuids cleramain ad ina tscherta cumissiun. Uschia vegnan las intenziuns da la refurma dal parlament ademplidas mo pli per part e la cumpetenza professiunala dal cussegl grond vegn tendenzialmain reducida.

Cun la finamira da propi nominar per regla las cumissiuns permanentas proponan las sutsegnadas ed ils sutsegnads da midar l'artitgel 19 da la lescha davart il cussegl grond (DG 170.100) sco suonda:

"Per la predeliberaziun da fatschentas po il cussegl grond nominar cumissiuns temporaras, sche la fatschenta na tutga betg al champ d'incumbensas d'ina cumissiun permanenta. Las cumissiuns temporaras sa constitueschan sezzas."

Cuira, ils 10 da december 2008

Trepp, Rizzi, Portner, Augustin, Bucher-Brini, Frigg-Walt, Gartmann-Albin, Jaag, Jäger, Menge, Meyer Persili (Cuira), Noi-Togni, Peyer, Pfenninger, Pfiffner-Bearth, Thöny, Brasser, Locher-Benguerel, Michel (Cuira)

Session: 10.12.2008
Vorstoss: rg Antrag auf Direktbeschluss