Durant l'onn scadent ha la regenza salvà 44 sesidas. En quellas ha ella prendì 2176 conclus. Dapi l'onn 1995 han ins pudì reducir il dumber da las fatschentas tractadas da la regenza per schlassas 1001. Quai è ina consequenza da diversas reorganisaziuns e da divers transferiments da cumpetenzas. Cun delegar sias fatschentas da rutina sin in plaun inferiur, po la regenza sa deditgar dapli a las dumondas impurtantas. Questa tendenza vegn la realisaziun dal project EFLAD (essenzialisaziun e flexibilisaziun la legislaziun e da l'applicaziun dal dretg) anc a rinforzar.
Il presidi da la regenza va il 1. da schaner 2001 ad Eveline Widmer-Schlumpf, vicepresident daventa Claudio Lardi.
La regenza giavischa `buna fin e bun principi, confidenza e bainstar a tut las conburgaisas ed ils conburgais.
Gremi: regenza
Funtauna: rg chanzlia chantunala dal Grischun