En il rom da la refurma da parlament ch'è vegnida deliberada durant la sessiun da mars 2002 dal cussegl grond han ins stgaffì da nov in secretariat per il cussegl grond. Quest secretariat è dotà cun duas e mez plazzas ed è ina partiziun da la chanzlia chantunala, professiunalmain è el dentant suttamess als organs dal cussegl grond (presidi, conferenza dals presidents, cumissiuns). La conferenza dals presidents dal cussegl grond ha occupà ils 7 d'october ed ils 25 da november 2002 las plazzas stgaffidas da nov.

Sco manader dal secretariat dal cussegl grond (pensum da 100 %) è vegnì elegì lic. iur. Domenic Gross, advocat a Puntraschigna. Ulteriurs commembers dal team èn sco collavuratur (100 %) Adriano Jenal, Cuira, e sco secretaria (50 %) Susanne Gross, Cuira. L'entschatta da la lavur è prevesida per il 1. da matg 2003.

Gremi: chanzlia chantunala dal Grischun
Funtauna: rg chanzlia chantunala dal Grischun