L'uffizi forestal renda attent al grond privel d'incendis da guaud e cultira en tut il Grischun. Dapi diversas emnas n'hai betg pli pluvì daried. Las valladas èn fitg setgas ed il svilup da la vegetaziun è retardà pervi da l'aura sitga. Pervi dal diever imprecaut da products da tubac e l'utilisaziun malprudenta da fuclars èn las emnas passadas adina puspè vegnids envidads incendis che han grazia a l'agir svelt dals pumpiers pudì vegnir stizzads ad ura.

Igl è absolutamain scumandà da far fieu or en il liber en tut il Grischun. Products da tubac e battafieus na dastgan en nagin cas vegnir bittads davent. Ina detensiun da la situaziun è da spetgar pir suenter ina perioda da precipitaziuns intensivas da 2 fin 3 dis. Curtas pluvidas ed urizis na bastan betg per mitigiar la situaziun precara.

Gremi: Uffizi forestal dal Grischun
Funtauna: rg Uffizi forestal dal Grischun