Dacurt ha gì lieu l'emprima badigliada per construir la nova basa da mantegniment a Mustér che appartegna a l'uffizi districtual da construcziun bassa a Glion. Suenter che la vischnanca ha dà la permissiun da construcziun, cumenzan ussa las lavurs da construcziun da questa basa. La nova construcziun a Plaun da Diras sut il vitg da Segnas meglierescha considerablamain las relaziuns da spazi da l'uffizi districtual da construcziun bassa 6, Glion, en il territori da Mustér. Uschia vegnan plazzads sut in sulet tetg ina halla per parcar vehichels, localitads da deposit, in local per lavar vehichels sco er biros, locals da segiurn e gardarobas per las collavuraturas e per ils collavuraturs. In deposit extern ed in implant da silo per il sal e per la crappella cumpletteschan la purschida.

La construcziun purtanta da quest stabiliment vegn fatga or da lain ch'è vegnì pinà exclusivamain en la regiun. La chalur vegn producida cun agid d'in stgaudament da pellets da laina en cumbinaziun cun energia solara.

La construcziun brutta da quest stabiliment ch'è calculà cun totalmain 3,5 milliuns francs duai esser terminada l'october 2008; la primavaira 2009 po il nov stabiliment vegnir retratg.

Persuna che dat infurmaziuns:
Markus Dünner, architect chantunal, uffizi da construcziun auta, tel. 081 257 36 31

Gremi: uffizi da construcziun auta dal Grischun
Funtauna: rg uffizi da construcziun auta dal Grischun