Il departament d'educaziun, cultura e protecziun da l'ambient ha nominà Thomas Reitmaier sco nov archeolog chantunal. El vegn a cumenzar il 1. da mars 2012 sia plazza en il servetsch archeologic dal Grischun tar l'uffizi da cultura.

Thomas Reitmaier ha lavurà dapi l'onn 2006 sco collavuratur scientific e sco cussegliader da studi en la partiziun da preistorgia e da protoistorgia da l'universitad da Turitg. Là è el tranter auter stà responsabel per l'iniziaziun e per la coordinaziun dal project da perscrutaziun internaziunal "Silvretta historica" en il territori dal Silvretta. En il passà è l'archeolog da 35 onns stà incumbensà cun numerus projects. El è s'occupà d'exchavaziuns dal temp mesolitic fin al temp il pli modern en Svizra, en Austria, en Germania, en Italia, en Croazia ed en Tirchia.

Urs Clavadetscher, l'archeolog chantunal partent, vegn a sa concentrar en il futur sin la perscrutaziun.


Infurmaziuns:
Barbara Gabrielli, manadra da l'uffizi da cultura, tel. 081 254 16 06


Gremi: departament d'educaziun, cultura e protecziun da l'ambient
Funtauna: rg departament d'educaziun, cultura e protecziun da l'ambient