La regenza dal Principadi da Liechtenstein ha visità oz – sin invitaziun da la regenza grischuna – il chantun Grischun.

Il president da la regenza grischuna Martin Jäger ha pudì beneventar oz a mezdi en la chasa grischa a Cuira la regenza dal Principadi da Liechtenstein.
Il schef da la regenza Adrian Hasler è vegnì accumpagnà dal viceschef da la regenza Thomas Zwiefelhofer, da la cussegliera guvernativa Marlies Amann-Marxer, dal cusseglier guvernativ Mauro Pedrazzini, da la cussegliera guvernativa Aurelia Frick sco er dal secretari da la regenza Horst Schädler. La regenza grischuna è stada preschenta cumplettamain. Suenter il barat dals salids uffizials è in gentar cuminaivel stà sin il program.

Las regenzas dal Grischun e dal Liechtenstein han gia adina tgirà stretgas relaziuns amicablas. La visita serva a tgirar questas relaziuns ed a barattar experientschas sin ils champs da la cultura, da l'economia e da la politica. 
 

Fotografias agiuntadas: Il president da la regenza Martin Jäger retschaiva en la chasa grischa a Cuira il schef da la regenza da Liechtenstein Adrian Hasler (a sanestra).

Las delegaziuns dal Grischun e da Liechtenstein cun il president da la regenza Martin Jäger ed il schef da la regenza Adrian Hasler (amez) davant la chasa grischa a Cuira.


Gremi: regenza
Funtauna: rg chanzlia chantunala dal Grischun