La regenza grischuna ha reelegì Christian Thöny sco cusseglier da la banca chantunala grischuna per la perioda d'uffizi dal 1. d'avrigl 2017 fin ils 31 da mars 2021.

Tenor la lescha davart la banca chantunala grischuna (BCG) è la regenza cumpetenta per eleger il cussegl da banca che sa cumpona da set persunas. Ils 31 da mars 2017 va a fin la perioda d'uffizi dal cusseglier da banca Christian Thöny. Il temp d'uffizi dals ulteriurs commembers dal cussegl da banca duran vinavant. Il temp d'uffizi maximal prescrit da la lescha importa 12 onns.

Christian Thöny appartegna dapi l'onn 2009 al cussegl da banca e po pia vegnir reelegì per ulteriurs 4 onns. L'advocat ed econom che ha 64 onns posseda ina chanzlia a Cuira.


Infurmaziuns:
cussegliera guvernativa Barbara Janom Steiner, scheffa dal departament da finanzas e vischnancas dal Grischun, tel. 081 257 32 01, e-mail Barbara.Janom@dfg.gr.ch


Gremi: regenza
Funtauna: rg chanzlia chantunala dal Grischun