Sin il bain puril Waldhaus dal Plantahof a Cuira ha lieu damaun il di champester 2019 davart il tema "cultivaziun biologica dad ers". Il di champester porscha a radund 300 fin 500 puras e purs interessads da la Svizra sidorientala la pussaivladad da s'infurmar e da sa barattar davart temas spezials da la cultivaziun biologica dad ers.

Al di champester 2019 dal Plantahof stat la cultivaziun biologica dad ers en il center. A quatter posts d'infurmaziun e da demonstraziun vegnan intermediadas chaussas interessantas davart la diversitad da las culturas, davart la sauaziun ed il cumbat mecanic cunter zerclim sco er davart alternativas per l'utilisaziun d'araders e d'erbicids totals. Ultra da quai preschentan differentas exposituras e differents expositurs lur products e lur servetschs en connex cun la cultivaziun biologica dad ers.

Il di champester 2019 dal Plantahof cun il tema "cultivaziun biologica dad ers" ha lieu venderdi, ils 28 da zercladur 2019, da las 10.00 fin las 15.30 sin il bain puril Waldhaus dal Plantahof a Cuira (Fürstenwaldstrasse 61, 7000 Cuira). Spetgads vegnan radund 300 fin 500 puras e purs da la Svizra sidorientala. L'occurrenza vegn organisada e manada tras da las collavuraturas e dals collavuraturs dal Plantahof.

Ulteriuras infurmaziuns davart il di champester 2019 dal Plantahof cun il tema "cultivaziun biologica dad ers":
https://www.gr.ch/DE/institutionen/verwaltung/dvs/lbbz/aktuelles/Seiten/Feldtag.aspx

Fotografia:

Infurmaziuns:
Curdin Giger, manader dal ressort "Furmaziun supplementara e project", Plantahof, tel. 081 257 60 82, e-mail Curdin.Giger@plantahof.gr.ch


Gremi: Plantahof
Funtauna: rg Plantahof