En Engiadin'ota datti trais ulteriuras persunas cun in test positiv dal coronavirus (COVID-19). Las trais persunas mussan sintoms, èn però en in bun stadi da sanadad. Actualmain èn ellas isoladas e vegnan tgiradas bain.

Las persunas da contact pussaivlas dals novs cas confermads vegnan ussa eruidas, contactadas e sche necessari messas en quarantina. Da las 126 persunas ch'èn vegnidas testadas en il Grischun han pia actualmain 108 in resultat negativ, 9 in resultat positiv e 9 in resultat anc en scleriment.

La pagina d'internet vegn cumplettada cuntinuadamain

A las vischnancas, als organisaturs ed a las medias stat a disposiziun sin la pagina d'internet www.gr.ch/coronavirus ultra d'infurmaziuns actualas in formular da contact. Las autoritads cumpetentas sa stentan da respunder svelt tut las dumondas. Il basegn d'infurmaziun è actualmain fitg grond. Dapi ier vegn il post d'infurmaziun sustegnì supplementarmain tranter auter da commembers da la protecziun civila.


Infurmaziuns:

Rudolf Leuthold, manader da l'Uffizi da sanadad, tel. 081 257 26 41, e-mail Rudolf.Leuthold@san.gr.ch


Gremi: Uffizi da sanadad
Funtauna: rg Uffizi da sanadad