L'Uffizi da sanadad ha registrà la mesemna ina nova infecziun en la scola primara da Zorten (vischnanca da Vaz). En enclegientscha cun l'Uffizi da sanadad èn vegnidas coordinadas e realisadas las mesiras necessarias per controllar e per interrumper las chadainas da transmissiun. Actualmain è ina persuna en isolaziun, 17 scolaras e scolars sco er tschintg persunas d'instrucziun èn en quarantina. Durant la quarantina ha l'instrucziun lieu sin distanza.

En la scola primara da Zorten (vischnanca da Vaz) è vegnì registrà la mesemna in cas da corona. Actualmain è ina persuna creschida en isolaziun, 17 scolaras e scolars sco er tschintg persunas d'instrucziun èn en quarantina. Ils contact tracers da la partiziun chantunala da Covid han cumenzà immediatamain cun la lavur per interrumper las chadainas da transmissiun, han eruì persunas da contact pussaivlas e mess quellas en quarantina. Per la durada da la quarantina ha la scola primara midà per tut las classas a l'instrucziun a distanza.

Las persunas pertutgadas ch'èn en isolaziun ed en quarantina stattan bain Ellas vegnan sustegnidas dals contact tracers.

Per las collavuraturas ed ils collavuraturs da las medias stat Jörg Schneider, substitut da la media chantunala, a disposiziun da las 17.00 – 18.00 sut il nr. da telefon +41 81 257 29 24.

Infurmaziuns: 
Jörg Schneider, substitut da la media chantunala, tel. +41 81 257 29 24, e-mail Joerg.Schneider@san.gr.ch 

Gremi: Uffizi da sanadad
Funtauna: rg Uffizi da sanadad