La Regenza ha dà glisch verda per construir ina nova scolina a Vaz Sut ed ina scarsolera a Mustér.
Glisch verda per ina nova scolina a Vaz Sut
La Regenza ha approvà la revisiun parziala da la planisaziun locala che la vischnanca da Vaz Sut aveva concludì ils 7 da zercladur 2022. Tras quai ha ella stgaffì las premissas da la planisaziun d'utilisaziun per remplazzar sco previs la scolina existenta tras in nov edifizi.
Per quest intent sto en spezial vegnir abolì il status da protecziun da la scolina existenta (object protegì). Senza questa aboliziun na fissi giuridicamain betg pussaivel da disfar l'edifizi. En il rom da la planisaziun e da la cooperaziun ha la vischnanca da Vaz Sut demussà ch'ils interess da construir ina nova scolina predomineschian ils interess da mantegnair l'edifizi construì l'onn 1948. Cun 143 cunter 2 vuschs aveva la radunanza communala acceptà cleramain la proposta.
© Biro d'architectura Rainer Weitschies
La Regenza ha approvà la revisiun parziala da la planisaziun locala che la vischnanca da Vaz Sut aveva concludì ils 7 da zercladur 2022. Tras quai ha ella stgaffì las premissas da la planisaziun d'utilisaziun per remplazzar sco previs la scolina existenta tras in nov edifizi.
Via libra per ina nova scarsolera a Mustér
La vischnanca da Mustér planisescha da construir ina nova scarsolera sur la staziun da muntogna «Caischavedra». La Regenza ha stgaffì las premissas da la planisaziun d'utilisaziun per quest project ed ha approvà la revisiun parziala da la planisaziun locala che la vischnanca aveva concludì ils 15 da matg 2022. A medem temp ha ella tschentà la basa da la planisaziun d'utilisaziun per pudair conceder ina permissiun posteriura per la plazza da giugar gia realisada.
© swisstopo
La vischnanca da Mustér planisescha da construir ina nova scarsolera sur la staziun da muntogna «Caischavedra». La Regenza ha stgaffì las premissas da la planisaziun d'utilisaziun per quest project ed ha approvà la revisiun parziala da la planisaziun locala che la vischnanca aveva concludì ils 15 da matg 2022.
Il center dal vitg da Roveredo po vegnir concepì da nov
La revisiun parziala da la planisaziun locala da la vischnanca da Roveredo dals 18 d'october 2021 è vegnida approvada da la Regenza. Questa planisaziun d'utilisaziun cuntegna l'ultim pass d'ina lunga retscha da mesiras en connex cun il sviament da Roveredo ch'è vegnì avert l'onn 2017.
Cun il plan d'areal concludì èn vegnidas stgaffidas las basas per concepir da nov il center dal vitg. Grazia a la demontascha da l'anteriur traject da l'autostrada stattan a disposiziun surfatschas libras en quest lieu. A maun dal plan d'areal po ussa vegnir elavurà in concept general per concepir questas surfatschas.
© swisstopo
La revisiun parziala da la planisaziun locala da la vischnanca da Roveredo dals 18 d'october 2021 è vegnida approvada da la Regenza. Questa planisaziun d'utilisaziun cuntegna l'ultim pass d'ina lunga retscha da mesiras en connex cun il sviament da Roveredo ch'è vegnì avert l'onn 2017.
Nova lingia da bus dastga traversar la punt sur il Rain a Rehanau
La Regenza ha auzà il pais maximal permess per traversar la punt sur il Rain a Rehanau. Da nov dastgan ils bus en il traffic da lingia charrar cun in pais maximal dad 8,5 tonnas empè da 7 tonnas sur la punt.
Il motiv per quest augment è l'introducziun d'ina nova lingia da bus tranter la staziun da Rehanau e Tumein. Il nov pais maximal permess vala mo per ils bus en il traffic da lingia ed entra en vigur, suenter che la tavla supplementara correspundenta è vegnida montada.
La Regenza ha auzà il pais maximal permess per traversar la punt sur il Rain a Rehanau.
