La Regenza na vul betg reducir ils meds finanzials a favur da l'agricultura, sco ch'il Cussegl federal propona. Plinavant ha ella approvà la revisiun da la planisaziun locala da las vischnancas da Lantsch e da Claustra.
La Regenza refusa la reducziun dals meds finanzials a favur da l'agricultura
La Regenza ha prendì posiziun tar il conclus federal davart ils meds
finanzials a favur da l'agricultura per ils onns 2026–2029. Il Cussegl federal
propona per questa perioda ina summa totala da var 13,68 milliardas francs.
Quai fissan 2,5 pertschient damain che durant ils onns 2022 fin 2025.
Plinavant vuless il Cussegl federal transferir meds finanzials davent dals
secturs da producziun e da vendita sco er pajaments directs ed als duvrar per
meglieraziuns da structura e per la tratga da culturas e da sorts ch'èn
resistentas a malsognas sco er per la protecziun persistenta da las plantas.
La Regenza grischuna refusa strictamain ils transferiments ed er da reducir
il rom da pajaments. L'augment da las mesiras per la promoziun da las basas da
producziun a 674 milliuns francs beneventa ella. Percunter duain ils
pajaments directs importar er vinavant 11,25 milliardas ed ils meds
finanzials a favur da las mesiras per la promoziun da la producziun e da la
vendita 2,22 milliardas francs.
Consultaziuns
dal Departament federal d'economia, furmaziun e retschertga (DEFR)
La Regenza ha prendì posiziun tar il conclus federal davart ils meds finanzials a favur da l'agricultura per ils onns 2026–2029.
Promoziun d'emprimas abitaziuns a Lantsch
La
Regenza ha approvà la revisiun parziala da la planisaziun locala «Surveglias»,
ch'era vegnida concludida da la vischnanca da Lantsch ils 25 da settember 2023.
Uschia ha ella stgaffì las premissas planisatoricas per promover emprimas
abitaziuns pajablas.
Per
promover emprimas abitaziuns pajablas duain las parcellas ch'èn en proprietad
da la vischnanca e ch'èn situadas en il territori Surveglias, vegnir messas a
disposiziun en il dretg da construcziun a la Societad cooperativa per la
construcziun d'abitaziuns Lantsch. Sin quest areal èsi previs da construir duas
chasas da pliras famiglias cun tut en tut 20 fin 25 abitaziuns.
© Andrea Badrutt Fotografie
La Regenza ha approvà la revisiun parziala da la planisaziun locala «Surveglias», ch'era vegnida concludida da la vischnanca da Lantsch ils 25 da settember 2023.
Glisch verda per per adattar la planisaziun locala da Claustra
La
Regenza ha approvà cun resalvas e cun ordinaziuns la revisiun parziala da la
planisaziun locala (fasa II), che la vischnanca da Claustra aveva concludì ils
28 da november 2021. Actualmain è la vischnanca vidlonder da surlavurar sia
planisaziun locala en trais fasas.
La planisaziun
cumpiglia ina nova Lescha da construcziun, ina revisiun cumplessiva dals plans
da zonas per la part da la cuntrada, dals plans generals da furmaziun sco er
dals plans generals d'avertura.
© Comet Photoshopping GmbH / Dieter Enz
La Regenza ha approvà cun resalvas e cun ordinaziuns la revisiun parziala da la planisaziun locala (fasa II), che la vischnanca da Claustra aveva concludì ils 28 da november 2021.
