La revisiun prevesa da remplazzar las notaras cirquitalas ed ils notars cirquitals tras nota­ras uffizialas e notars uffizials. L'elecziun duai vegnir fatga tras la regenza sin proposta da la re­giun e suenter avair consultà la cumissiun da notariat. Il champ d'activitad da las notaras uffi­zialas e dals notars uffizials duai vegnir restrenschì localmain tenor basegn. Perquai ch'ils circuls vegnan abolids, n'è ina colliaziun locala cun ils circuls betg pli pussaivla. Uschia ston ins chattar in'autra soluziun. Plinavant duain notaras uffizialas e notars uffizials vegnir en­ga­schads mo en quels territoris, nua ch'igl exista in basegn respectiv. Quai dependa decisiva­main dal fatg, sch'igl ha en il territori respectiv notaras patentadas e notars patentads che pudessan medemamain ademplir las incumbensas respectivas. Il champ da cumpetenza material cumpiglia tant documentaziuns publicas sco er legalisaziuns.
Avertura: 17.01.2013
Scadenza dal termin: 15.04.2013