Il 1. da schaner 2021 è entrada en vigur la Lescha federala davart la protecziun da la populaziun e davart la protecziun civila (LPPCi; CS 520.1). En il Grischun fiss per consequenza il dumber d'appartegnents da la protecziun civila (AdPC) sa reducì massivamain, sch'ins n'avess betg prendì cuntramesiras correspundentas ils ultims onns, sco per exempel la prolungaziun da l'obligaziun da far servetsch da protecziun civila.

La revisiun parziala actuala da la Lescha da protecziun civila vul oravant tut mantegnair il dumber da squadras e da persunas da cader. Cun in sistem d'impuls duai vegnir garantì, ch'i possian vegnir recrutadas er en l'avegnir avunda persunas da cader per la protecziun civila.

Il focus principal vegn plinavant er mess sin la finanziaziun suffizienta da la construcziun da novs locals da protecziun en las vischnancas che han ina mancanza da plazzas protegidas. Per finanziar ils locals da protecziun publics vegn introducida da nov ina contribuziun substitutiva, che sto vegnir pajada er, sch'in local da protecziun potenzialmain utilisabel vegn abolì a favur da las proprietarias e dals proprietaris. Dal rest vegni desistì d'ina graduaziun tenor grondezza dal local da protecziun, ed i vegn introducida ina taxa unitara.

Per indemnisar la lavur administrativa en connex cun las acziuns a favur da la cuminanza (AfC) vegnan las chaschunadras ed ils chaschunaders dals custs respectivamain las petentas ed ils petents (organisaturas ed organisaturs) a stuair surpigliar en l'avegnir tut ils custs.


Cumenzament: 21 d'avust 2024
Fin: 21 da november 2024