Tras il project da revisiun qua avant maun, che prevesa d'abolir l'art. 16 cifra 6 da la constituziun chantunala, ademplescha la regenza ina incumbensa ch'ella ha survegnì ils 9 da december 2009 dal cussegl grond, cura che quel ha acceptà la "incumbensa Loepfe concernent l'aboliziun dal referendum voluntar". L'uschenumnà referendum extraordinari da las autoritads (referendum obligatoric extraordinari), ch'è reglà en l'art. 16 cifra 6 CC, era vegnì integrà dal parlament pir en il rom da la revisiun totala da la constituziun chantunala. Fin oz n'ha il cussegl grond anc mai duvrà quest instrument.