En il rom da la campagna da prevenziun "Fit per la via", che vegn organisada da la polizia e dal post da consultaziun svizzer per la prevenziun d'accidents (ppa), vegnan fatgas dals 18 fin ils 31 da matg 2009 en l'entir chantun dapli controllas d'alcohol.

Alcohol al guvernagl è anc adina in grond problem. Var 15 pertschient dals accidents da traffic cun persunas blessadas grevamain u mortalmain èn capitads sut l'influenza d'alcohol. Quai mussa ch'igl è – malgrà l'introducziun da la limita da 0,5 promil – er vinavant fitg impurtant da sensibilisar las manischunzas ed ils manischunzs per questa tematica.

Las manischunzas ed ils manischunzs che han ina valur d'alcohol da 0,0 promil e ch'èn fits per la via vegnan remunerads da la polizia chantunala dal Grischun e da la polizia da la citad da Cuira cun in pitschen regal.