Tar il cader da la polizia chantunala dal Grischun datti midadas da persunal. Per la fin da l'onn va il chapitani Mario Salis, schef da la regiun da polizia Engiadina, anticipadamain en pensiun. Ses successur è il litinent Marco Steck.

Steck, che ha 44 onns, è actualmain schef da la regiun da polizia Grischun central e mida per la fin da november en Engiadina. Ses successur en la regiun Grischun central è Martin Engi che ha 54 onns e ch'è actualmain schef da la basa da la polizia criminala a Tavau. Entrond en il nov uffizi survegn Engi il grad da litinent. Las duas regiuns da polizia Engiadina e Grischun central furman la polizia da regiuns "ost". Manader da questa partiziun è il maior Peter Lang da Tavau che ha 60 onns.

39 onns tar la polizia
Mario Salis, che ha 63 onns, ha lavurà durant 39 onns per la polizia chantunala dal Grischun. Ils ultims 9 onns è el stà schef da la regiun Engiadina. La direcziun da la polizia chantunala engrazia a Mario Salis per sia gronda lavur e per ses engaschi instancabel ed al giavischa tut il bun per l'avegnir.



Da sanester: Marco Steck, Mario Salis, Peter Lang, Martin Engi