La Polizia chantunala dal Grischun e la Polizia da la citad da Cuira han controllà la sonda passada plirs negozis, sch'els observian l'Ordinaziun davart COVID-19 dal Cussegl federal. La maioritad dals negozis dal Grischun ha observà las prescripziuns.

Tar la controlla da tut en tut 140 negozis en il Grischun han la Polizia chantunala dal Grischun e la Polizia da la citad da Cuira examinà, sch'ils negozis cun ina permissiun da manaschi tenor l'art. 6 al. 2 lit. a da l'ordinaziun observian las prescripziuns. 120 negozis avevan separà e serrà tenor las prescripziuns il sectur non-food dal sectur da victualias. 20 negozis han stuì vegnir admonids da realisar las prescripziuns. Tar 10 negozis ston anc vegnir fatgs scleriments, sche tscherts objects appartegnan tar ils objects per il basegn dal mintgadi.