Ina valitaziun sto vegnir fatga en cas da:

• edifizis novs a partir da 20 000 francs;
• renovaziuns u engrondiments, sche la summa impundida che augmenta la valur da l'edifizi surpassa 100 000 francs ed importa passa 20 pertschient da la valur da nov ch'è indexada per l'edifizi;
• renovaziuns u engrondiments, sche la summa impundida che augmenta la valur da l'edifizi surpassa 500 000 francs;
• partiziuns da bains immobigliars, nua ch'i vegnan repartids edifizis sin plirs bains immobigliars;
• transfurmaziun en proprietad en condomini u en cumproprietad cun in urden d'utilisaziun e d'administraziun.

Correspundentamain sto la dumonda vegnir emplenida cun l'obligaziun da valitaziun.

Sche las premissas menziunadas qua survart na vegnan dentant betg ademplidas, po la dumonda vegnir emplenida senza obligaziun da valitaziun. Per autras dumondas u incumbensas As stattan a disposiziun expertisas da valitaziun separadas.

Agiuntai per plaschair il plainpudair correspundent, sche Vus As laschais represchentar d'ina terza persuna.

En cas che Vus duvrais ils documents giavischads sulettamain en Vossa funcziun sco notara/notar, ans inoltrai per plaschair la conferma respectiva.