Las collavuraturas ed ils collavuraturs che giavischan cussegliaziun u sustegn en cas da problems en connex cun la lavur, pon sa drizzar a lur persunas superiuras (persuna superiura directa u proxima persuna superiura).

Las persunas superiuras stattan plinavant er a disposiziun en cas d'indizis concrets per incunvegnientschas. La responsabladad directiva cumpiglia, che persunas superiuras intervegnan en cas d'incunvegnientschas. Sche las persunas superiuras na daventan betg activas, mussan ellas sezzas in fauss cumportament. Sche las incunvegnientschas na vegnan betg scleridas, suenter ch'ellas èn vegnidas tematisadas internamain, u sch'i resultan conflicts d'interess, pon e duain ellas vegnir annunziadas al Post independent per l'annunzia d'incunvegnientschas.

Cuntrari ad ina cussegliaziun confidenziala tar il Post da cussegliaziun psicologica, activescha in'annunzia ad ina persuna superiura u in'annunzia al Post per l'annunzia d'incunvegnientschas en il sectur dal persunal ina procedura formala.