Nus purschain...

Tar nus na stat betg mo en il center in job satisfaschant cun incumbensas pretensiusas. Nus purschain era diversas prestaziuns accessoricas che permettan in ambient favuraivel per il svilup persunal.

Cliccai sin ils singuls temas per vegnir a savair co che Vus profitais da nus.

Temp da lavur e temp liber – work-life-balance

• In'emna da lavur da 42 uras cun in pensum cumplain. En media vegn dentant lavurà 43 uras per emna. Persuenter pon vegnir retratgs mintg'onn 5 dis libers supplementars.
• Dapertut, nua ch'igl è pussaivel models da temp da lavur flexibel sco era lavur a temp parzial e job-sharing.
• Pussaivladad da lavurar davent da chasa e da lavurar a moda mobila.
• Vacanzas per onn chalendar: 5 emnas vacanzas (fin 49 onns), 5½ emnas vacanzas (fin 59 onns), 6 emnas (fin la pensiun).
• 2 emnas congedi d'anzianitad a partir da 10 onns da servetsch.
• Pussaivladad da cumprar fin 2 emnas vacanzas supplementaras ad onn, sch'il manaschi da servetsch lubescha quai.
• Divers firads e dis libers.
• 16 emnas congedi da maternitad, 13 dis congedi da paternitad.

Paja e prestaziuns socialas

• Paja gista e libra da discriminaziun incl. 13avla paja mensila.
• Tscherna tranter trais differents plans da spargn tar la Cassa da pensiun dal Grischun.
• Sustegn finanzial per la tgira d'uffants tras terzas persunas.
• Supplement social spezial ultra dal supplement per uffants.
• Eventualas premias da prestaziun e premias spontanas sco era supplements da funcziun.
• 100% pajament cuntinuà dal salari durant 16 emnas suenter la pagliola (congedi da maternitad pajà).
• 100% pajament cuntinuà dal salari durant 13 dis suenter la naschientscha u l'adopziun (congedi da paternitad).
• 100% pajament cuntinuà dal salari fin 730 dis en cas da malsogna, en cas d'accident 100% fin il recumenzament da la lavur.
• 100% pajament cuntinuà dal salari durant il servetsch militar, il servetsch civil ed il servetsch da protecziun civila.
• Pussaivladad da far per in pitschen import in'assicuranza privata cunter accidents en l'entir mund.
• Infurmaziuns supplementaras concernent las cumponentas da la paja.

Furmaziun e perfecziunament

Nus purschain diversas pussaivladads da furmaziun e perfecziunament ed ans participain als custs da perfecziunament externs:

• A la furmaziun professiunala
• Al perfecziunament

Management da sanadad en il manaschi

• Per ina contribuziun annuala fitg pitschna porscha administraziun en moviment in program da curs varià e presta uschia ina contribuziun impurtanta per promover il moviment da nossas collavuraturas e noss collavuraturs. Da crossfit sur yoga e pilates fin al spinning datti per mintgina e mintgin insatge.
• Participaziun a l'acziun annuala «Bike to work».
• Dapertut, nua ch'igl è pussaivel in restaurant cun menus frestgs, sauns e variads per nossas collavuraturas e noss collavuraturs.
• La partiziun Segirezza al plaz da lavur e protecziun da la sanadad s'occupa da la prevenziun en connex cun ils plazs da lavur e cun las collavuraturas ed ils collavuraturs da l'administraziun chantunala. Il post spezialisà stat er a disposiziun per cussegliaziuns e per dumondas davart il tema «prevenziun».
• Noss management da reabilitaziun intern porscha a collavuraturas e collavuraturs cun problems da la sanadad da tuttas sorts sustegn per dumagnar quests problems.
• Post da consultaziun gratuit ed anonim per cussegliaziun psicologica en cas da temas en connex cun la plazza da lavur.
• La pussaivladad d'annunziar incunvegnientschas en il sectur dal persunal.

Ulteriuras purschidas accessoricas

• Gidar a furmar noss Chantun!
• Profils da plazzas eterogens.
• Gronda segirezza da la plazza da lavur.
• Buna reputaziun.
• Enragischaziun regiunala.
• Differents eveniments per collavuraturas e collavuraturs.
• Per collavuraturas e collavuraturs da blers onns datti in'undraziun ed in regal a chaschun da l'extrada.
• Cumissiun da persunal sco partenaria da discussiun e sco organ consultativ da la Regenza en dumondas dal persunal.
• Fond d'assistenza per il sustegn finanzial dal persunal en cas d'urgenza.
• Pussaivladad da sa laschar pensiunar anticipadamain.
• Pussaivladad da lavurar vinavant suenter la vegliadetgna da pensiun ordinaria.
• Diversas reducziuns da pretsch, cussegliaziun giuridica e protecziun giuridica en dumondas dal dretg da persunal e d'assicuranza en cas d'ina commembranza a la federaziun dal persunal chantunal grischun.