La promoziun da la generaziun giuvna da glieud da professiun stat a cor al chantun Grischun. La scolaziun en differentas professiuns è ina buna investiziun per il futur dal Grischun, perquai che collavuraturas e collavuraturs scolads bain èn la basa per in'administraziun e per in'economia che funcziuna bain. Ti, sco futura dunna u futur um da professiun vegns accumpagnada u accumpagnà da furmatur(a)s professiunal(a)s qualifitgad(a)s durant tia scolaziun. Tut tenor l'emprendissadi absolvas ti la scolaziun en il medem post da servetsch ed al medem lieu u percurras ti differents posts da servetsch tenor in plan da rotaziun fix. Ultra da la scolaziun en il manaschi frequentas ti las scolas professiunalas a Cuira, a Glion, a Samedan u a Turitg.