![Schnupperlehre](/DE/institutionen/verwaltung/dfg/pa/lehreGR/BilderLehrberufe/Schnupperlehre__w_1200__h_0.jpg)
In fufragnadi gida a decider
Durant in fufragnadi (1 fin 5 dis) pon scolaras e scolars interessads sa far in maletg dal mintgadi professiunal e da l'administraziun chantunala. Ellas ed els emprendan ad enconuscher las furmaturas ed ils furmaturs da la professiun e survegnan ina invista da glieud che lavura en questa professiun. Tut tenor la professiun emprendan ellas ed els ad enconuscher las maschinas, ils computers, l'iseglia ed ils materials sco er, co che quels vegnan duvrads en la professiun.
A la fin dal fufragnadi descrivan ils giuvenils en in rapport, co ch'els han gì durant il fufragnadi. Er la persuna d'accumpagnament scriva in rapport da qualificaziun a la fin dals dis da fufragnadi.
Fufragnadis sco commerzianta/commerziant vegnan purschids per regla tranter il schaner ed il matg. Fufragnadis en tut las autras professiuns purschain nus sin dumonda.
Nus ans legrain da tia annunzia per in fufragnadi cun il curs da la vita ed ina fotografia sco er cun l'ultim attestat da scola.