Nus avain grond plaschair che tut las emprendistas e tut ils emprendists da l'administraziun chantunala dal Grischun han pudì terminar cun success la procedura da qualificaziun 2024! Cordiala gratulaziun!
Tut en tut han dumagnà quest onn 30 emprendistas ed emprendists lur emprendissadi en ils suandants mastergns:
- 3 creaturas da vestgadira
- 3 spezialistas e spezialists per il mantegniment dal manaschi
- 1 spezialista d'economia da chasa AFQ
- 1 informaticher
- 14 commerziantas e commerziants
- 2 cuschiniera/cuschinier
- 5 pur/pura
- 1 dissegnader/-dra AFQ
Tut ils nums da nossas absolventas e noss absolvents sco er in inserat da gratulaziun èn cumparids venderdi, ils 12 da fanadur 2024, en l'agiunta uffiziala da la conclusiun dals emprendissadis en la "Südostschweiz" dal Grischun ed en il "Bündner Tagblatt".
Vuls ti suandar l'exempel da nossas absolventas e noss absolvents? Alura t'infurmescha davart nossas 20 differentas professiuns cun emprendissadi e nossas plazzas d'emprendissadi vacantas.
