L'avust han cumenzà tut en tut 31 giuvenils lur carriera professiunala tar l'administraziun chantunala dal Grischun.

Nus beneventain cordialmain nossas novas emprendistas e noss novs emprendists ed als giavischain ina buna partenza en la vita professiunala.

L'administraziun chantunala dal Grischun dat gronda paisa a la scolaziun da las spezialistas e dals spezialists ed a las persunas directivas da damaun. Perquai purschain nus pussaivladads da scolaziun multifaras en 20 differentas professiuns cun emprendissadi. Nossas responsablas e noss responsabels per la furmaziun professiunala accumpognan ils giuvenils sin lur via ed als sustegnan da scuvrir e sviluppar lur abilitads individualas. Sche pussaivel absolvan nossas emprendistas e noss emprendists lur temp da scolaziun en in program da rotaziun. Uschia survegnan ellas ed els invista en las lavurs da differentas partiziuns ed/u uffizis.

Vuls ti er absolver in emprendissadi tar l'administraziun chantunala dal Grischun? Lura t'infurmescha davart nossas 20 differentas professiuns cun emprendissadi e davart nossas plazzas d'emprendissadi vacantas.