Basas giuridicas essenzialas per relaziuns da lavur da dretg public

Lescha da persunal (LP)

La Lescha da persunal regla ils princips da la politica da persunal. Plinavant è ella la basa legala per las cundiziuns d'engaschament e definescha uschia ils dretgs e las obligaziuns da las collavuraturas e dals collavuraturs da l'administraziun chantunala dal Grischun.

Ordinaziun dal persunal (OP)

En l'Ordinaziun dal persunal vegnan relaschadas las disposiziuns executivas tar la Lescha da persunal.

Ordinaziun davart il temp da lavur (OCP)

L'Ordinaziun davart il temp da lavur definescha disposiziuns davart il temp da lavur e da paus.

Ordinaziun per las collavuraturas ed ils collavuraturs en uffizi accessoric dal chantun Grischun

L'Ordinaziun per las collavuraturas ed ils collavuraturs en uffizi accessoric dal chantun Grischun regla las relaziuns d'uffizi da dretg public da las collavuraturas e dals collavuraturs en uffizi accessoric tenor l'artitgel 3 alinea 4 da la Lescha da persunal. Per ina survista da las categorias da collavuraturas e collavuraturs en uffizi accessoric guardar l'agiunta tar l'Ordinaziun davart las collavuraturas ed ils collavuraturs en uffizi accessoric dal chantun Grischun.

Reglament davart il pensiunament anticipà (Reglament PA)

En il reglament davart il pensiunament anticipà vegnan reglads tenor l'artitgel 15 alinea 3 da la Lescha da persunal il pensiunament anticipà e las contribuziuns dal Chantun a las rentas transitoricas da l'AVS da collavuraturas e collavuraturs da l'administraziun chantunala dal Grischun.

En il rom da quest sectur spezial porscha l'Uffizi da persunal ils suandants servetschs

Sco post spezialisà e post da cussegliaziun per dumondas da persunal e da l'organisaziun sustegnain nus la Regenza ed ils posts da servetsch da l'administraziun chantunala dal Grischun sco era las dretgiras chantunalas, l'Assicuranza d'edifizis dal Grischun, l'Institut d'assicuranza sociala dal chantun Grischun e la Cassa da pensiun dal Grischun da realisar la politica da persunal e d'applitgar a moda unifitgada il dretg da persunal. Per quest intent collavurain nus directamain cun las unitads administrativas e preparain per ellas contracts, disposiziuns e conclus dal dretg da persunal. Plinavant relaschain nus directivas professiunalas.