Giuridicamain è la Grischelectra SA ina societad da forza electrica independenta. Ses acziunaris sa cumponan da partenaris A e da partenaris B. Ils acziunaris A (chantun Grischun, vischnancas grischunas, societads d'ovras electricas grischunas, industria grischuna cun in grond consum d'energia sco er la Viafier retica SA) èn participads cun 70 pertschient al chapital d'aczias da la societad ed ils partenaris B ch'exploteschan l'energia, la Repower SA sco er la Axpo Solutions SA, èn participads cun 30 pertschient.
La fundaziun da la Grischelectra SA l'onn 1978 aveva tranter auter l'intent d'explotar l'energia furnida da las vischnancas grischunas e dal chantun Grischun. Tenor il contract da partenadi, ch'è concludì fix fin ils 31-12-2055, èn ils acziunaris B s'obligads da surpigliar e d'explotar las quantitads d'energia che cumpetan a la Grischelectra SA. En quest connex ston ils partenaris B surpigliar ils custs annuals per l'energia furnida e pajar a las vischnancas ed al chantun in agio per mintga ura kilowatt ch'è vegnida furnida a la societad. Dapi l'onn 2000 è la Repower l'unic partenari B che explotescha energia (la Axpo Solutions SA è mo anc participada a la Grischelectra SA).
A la Grischelectra SA furneschan las suandantas societads d'ovras electricas l'energia ch'il chantun e las vischnancas da concessiun han il dretg da survegnir:n die Grischelectra AG werden die Energieansprüche des Kantons und der Konzessionsgemeinden von folgenden Kraftwerksgesellschaften eingebracht:
- Ovras electricas Alvra-Landwasser SA
- Ovras electricas d'Engiadina SA
- Elettricità Industriale SA
- Ovra electrica da la citad da Turitg
- Ovras electricas dal Rain Posteriur SA
- Ovra electrica Rain Anteriur SA
- Ovras electricas da Rehenau SA
- Ovras electricas dal Mesauc SA
La quantitad d'energia da la Grischelectra SA che stat actualmain en media a disposiziun importa var 607 GWh per onn. Il chantun survegn ca. 553 GWh e las vischnancas concessiunaras da las Ovras electricas d'Engiadina SA e la vischnanca da Mesauc circa 54 GWh.
DIls partenaris B ston surpigliar ils custs da producziun per l'energia furnida e pajar a las vischnancas ed al chantun in agio per mintga ura kilowatt ch'è vegnida furnida a la societad. La tariffa da l'agio è sa sviluppada sco suonda:
DLa suandanta grafica orientescha davart il svilup da las quantitads d'energia furnidas en GWh e davart ils custs da producziun dals pachets d'energia vendids incl. agio (en quai che suonda: custs da producziun 2) dapi che la Grischelectra SA exista.
