Descripziun curta

Tenor l'art. 21 al. 1 LTrP po il chantun conceder contribuziuns a favur da novas furmas da mobilitad per in'avertura cunvegnenta ed effizienta da lieus. Sco novas furmas da mobilitad valan purschidas dal traffic public e dal transport da rauba cun la viafier che na circuleschan betg stringentamain tenor in urari publitgà (art. 4 al. 1 lit. h LTrP).

Sut questa designaziun chapeschan ins savens meds da traffic public individuals, sco purschidas da carsharing e sistems publics d'emprestar velos. Questas purschidas pon savens vegnir cudeschadas sin via digitala (sur apps u online).

Questas novas furmas da mobilitad duain pudair vegnir utilisadas en furma multimodala u intermodala. Multimodalitad stat per l'utilisaziun fundamentala da blers meds da transport per cuntanscher ina destinaziun («multi modi»). L'intermodalitad è ina furma speziala da la multimodalitad. Tar l'intermodalitad pon vegnir utilisads differents meds da transport durant ina midada da lieu (Bundesinstitut für Bau-, Stadt- und Raumforschung (BBSR, [Editur]), neue Mobilitätsformen, Mobilitätsstationen und Stadtgestalt kommunale Handlungsansätze zur Unterstützung neuer Mobilitätsformen durch die Berücksichtigung gestalterischer Aspekte, Bonn mars 2015, p. 7 (guardar illustraziun survart).

Leitfaden neue Mobilitätsformen (Art.21) (mo per tudestg)