La viafier è la pitga principala dal traffic public en il Grischun. Cun axas principalas collia ella las pli impurtantas vals. Plinavant è ella er da gronda impurtanza sco lingia d'apport en il Grischun e sco colliaziun cun ils chantuns e pajais vischins.

La buna cuntanschibladad dal chantun è la premissa per meglierar l'attractivitad dal chantun sco destinaziun d'abitar, da lavurar e turistica. L'infrastructura da viafier che stat a disposiziun è la premissa fundamentala per pudair offrir ina purschida da viafier attractiva en il traffic da persunas ed il transport da rauba, e quai tant entaifer il Grischun sco er cun las colliaziuns en ils chantuns e pajais vischins.