Il traffic public en il chantun Grischun è ina stretga rait da differents meds da transport cumplementars. Lingias da bus rendan accessibels ils territoris senza trajects da viafier, servan sco med da transport fin als trajects da viafier e garanteschan l'avertura detagliada. Per il traffic public è l'infrastructura stradala pia da gronda impurtanza.

Ina infrastructura che tegna quint da las pretensiuns dal traffic public è la basa per ina purschida da bus ch'è er fidada durant las uras da grond traffic ed uschia er per l'attractivitad e per l'intensitad d'utilisaziun dal traffic public. Er la qualitad dal segiurn, saja quai en general en il spazi stradal u en las fermadas da bus, vegn dabun al traffic public.