La pli lunga punt pendenta dal Grischun è vegnida averta ed inaugurada ils 16 da november da fina bell'aura. Cun ina lunghezza da 270 m e cun in'autezza da var 100 m è la punt ina construcziun fitg impressiunanta. Ella collia Mustér e Mumpé Medel e porscha novas pussaivladads d'ir a spass e da viandar. «L'Uniun la pendenta» cun ses president Christian Loretz ha promovì il project ambiziunà e segirà la finanziaziun cun in vast sustegn tras sponsurs e promoturs privats. Il chantun ha sustegnì questa nova colliaziun exemplarica da sendas da viandar en il rom da la finanziaziun da contribuziuns per projects dal traffic betg motorisà.

Inauguraziun da la punt pendenta «La Pendenta»